Parathënja e Sures  Ja-Sin 

(pjesë nga libri "Kurora e Lutjeve")

Duke pasur parasysh interesimin e besimtarëve për  leximin dhe respektin ndaj Sures Ja-sin, ne u munduam që këtë sure ta shkruajmë në disa mënyra. Ky transkriptim u bë më qëllim që të gjithë besimtarët, edhe ata që njohin alfabetin arab, edhe ata që nuk e njohin, të kenë mundësi ta lexojnë këtë sure të shenjtë të Kuranit Fisnik.

Në trojet shqiptare Surja Ja-sin është një ndër suret më të njohura dhe më të lexuara. Kjo sure lexohet me rastin  e vdekjes së ndonjë personi dhe numërohet si dhurata më e mirë për të vdekurin. Po ashtu shumica e besimtarëve e praktikojnë leximin e saj për çdo mëngjes. Lidhur me këtë sure, i Dërguari i Allahut, Muhamedi  s.a.a., ka thënë: “Kushdo që hyn në një varrezë dhe reciton Suren Jasin do t’ua pakësojë vuajtjen [të vdekurve] dhe do të marrë shpërblime sa numri i të varrosurve aty.” Ai ka thënë gjithashtu se surja Jasin e stolis recituesin me më të mirat e dynjasë dhe ahiretit, duke ia larguar sprovat e kësaj jete dhe tmerrin e asaj që vjen.

 Imam Xha’fer es-Sadiku r.a. citohet të ketë thënë se kushdo që e reciton këtë sure, duke synuar kënaqësinë e Allahut, do të falet dhe do t’i jepen shpërblimet e atij që ka recituar krejt Kur’anin dymbëdhjetë herë. Ai po ashtu ka thënë: “Gjithçka ka një zemër dhe zemra e Kur’anit është Ja-Sini; ndaj, ai që e reciton atë gjatë ditës do të mbrohet dhe do të furnizohet deri në mbrëmje.”[1] 

http://www.youtube.com/watch?v=sN59-JL3YMg

 [1] Jasin el-Xhiburi: “ Muaji Ramazanit dhe shpërblimet e këndimit të Kur′anit”

f. 17